L-ISTORJA TAR-RAFFLES (L-Aħħar Parti)

REFLEXMALTA tkompli tintervista lil Mark Grima, proprjetarju tar-Raffles Club fis-snin tmenin.

Kienet tintuża xi silta partikolari għall-opening?
Għall-bidu konna nżommu l-mużika baxxa, imbagħad ngħollu l-volum meta l-post ikun imtela. Kemm il-darba użajna Syrius / Eye in the Sky ta’ Alan Parsons Project bħala opening.

Kien hemm music policy?
Ovvjament. Meta l-mużika New Romantic kienet in voga id-DJ kien iħallata ma dik disco. Frankie Goes To Hollywood, Madonna, Duran Duran u Soft Cell kienu fost il-favoriti fir-Raffles. Kien hemm gruppi oħra tajbin bħal Curiosity killed the Cat li dejjem kienu jiġbdu ż-żgħażagħ fuq id-dancefloor. Konna nagħfsu wkoll fuq ir-rock, specjalment fi zmien Ray Bajada. Il-mużika rock baqgħet f’qalbi sal-lum pero għadni ma nistax nifhem kif id-dancefloor dejjem kienet tkun ippakkjata biż-żgħażagħ jiżfnu għall-mużika kollha, inkluż dik rock.

Hawnhekk fil-pront, stedinna lil Mark biex jattendi għar-Reflex Party li jmiss biex jara b’għajnejh kif dik il-mużika għadha popolari ferm u toħloq l-istess atmosfera.

Min kien responsabbli mill-bar?
Meta ftaħna, Frankie Borg kien head barman. Imbagħad mar il-Victoria Pub. Kien hemm ukoll il-kuġin tiegħi, Marcelle Barbara, alla jaħfirlu (miet f’inċident fuq il-baħar.) U kien hemm ħafna staff li inbidlu minn żmien għall-ieħor. Aħna konna innovattivi wkoll għax konna ġibna tlett waitresses barranin. Ġibnihom bħala dancers u libbisnihom uniformijiet differenti (black-brunette-blonde). Kienu jservu n-nies fit-tard.

U l-Aquarium?
Dak il-fish tank!.. Jien ma kont nifhem xejn fil-ħut u kellna lil Louis Galea (il-manager tar-Raffles) li kien iħawwad hu fl-aquarium. Bil-mod il-mod bdejt nitgħallem biex ma nitfax oscar ma xi ħuta zgħira..... sakemm ma tridx tara l-oscar ferħana biż-żgħira f’ħalqha!!

Għalxiex kien ingħalaq ir-Raffles?
Ir-Raffles ħoloq kunċett ta’ divertiment uniku u oriġinali. Pero meta għadda ż-żmien ma bqajniex ninvestu fil-post u allura ma stajnix nikkompeti aktar ma clubs oħra bħall-Axis u Styx. Ir-Raffles kien ingħalaq fl-1990. Ftit wara xi ħadd kien tah in-nar. L-aquarium, is-seats, l-airconditioning u dak kollu li kien hemm kienu spiċċaw inqerdu fin-nirien. Konna tlifna ħafna flus għax l-insurance kienet skadiet.

Memorji?
Għandi memorji sbieħ ħafna ħafna. In-nies illum xorta għadhom jidħlu fil-post u jgħiduli li ghalkemm inħaraq xorta jistgħu jaraw fejn kien il-bar, il-gallarija u d-dancefloor. Jien m’għandix kuraġġ nidħol u nara l-post kif inhu illum. Too Nostalgic. Kienet era sabiha u sentimentali wisq għalija.

Għall-Mark it-tmexxija tar-Raffles kien l-ewwel pass f’karriera twila bħala imprenditur fil-qasam tad-divertiment. Wara r-Raffles kellu l-Al-Kafe. Postijiet oħra f’idejn Mark u l-aħwa Grima huma The Alley u Fuego ta’ San Giljan u tal-Qawra.

Int tiftakru r-Raffles? Tinsiex li tista tikteb fil-guestbook u tgħidlina dwar l-esperjenzi tiegħek.