L-ISTORJA TAR-RAFFLES (It-Tieni Parti)

REFLEXMALTA tkompli tintervista lil Mark Grima, proprjetarju tar-Raffles Club fis-snin tmenin.

X’influwenza ħalla r-Raffles fuq iż-żgħażagħ matul is-snin tmenin?
Is-snin tmenin kienu era fejn clubs bħar-Raffles kienu jkunu mimlija b’żgħażagħ li kienu konxji ħafna ta’ kif jidhru, il-ħwejjeġ li jilbsu, make-up, aċċessorji u l-istil tax-xahar. It-tfajliet u ħafna mill-ġuvintur kienu jġorru l-hairspray u l-hair mousse magħhom. Min jagħmel xahru spiky l-iżjed.... inkluż jien! Ma ninsewx ukoll li l-mużika tbiddlet kemm il-darba, minn disco għall-punk, new wave, new romantic u house.. l-istil taż-żfin inbidel ukoll fis-snin tmenin. Naħseb ukoll li l-magazines u l-istazzjonijiet televizivi taljani kienu ħallew influwenza kbira fuqna f’dik li hija moda. Iż-żgħażagħ kienu jaraw lill-kantanti u mudelli barranin u jimitawhom fid-dehra tagħhom.

Kien hemm dress code biex wieħed jidħol ir-Raffles?
Iva. Infatti wieħed mill-mumenti imbarazzanti tagħna kien meta darba ġew grupp  ingliż (mingħalija kienu t-Thompson Twins) u d-doorman tar-Raffles ma daħħalhomx għax ta’ New Romantics li kienu, kellhom xagħarhom għoli ħafna kull kulur,  ktajjen, imsielet u ħwejjeġ ikkuluriti li qatt ma rajna bħalhom. U d-doorman qallhom “sorry but no fancy dress!.. U baqgħu barra!

Min kienu d-DJ’s tar-Raffles?
L-ewwel bdejt jien għax kont diga għamilt xi snin indoqq ma mobile disco u naħdem ukoll id-Dragonara bħala DJ. Imbagħad ħallejt f’idejn ħaddieħor. Konna ġibna lil Ray Bajada. Kien idoqq ukoll id-Doddy Bugeja. Pero l-aktar li dam kien Ray (madwar ħames snin). Kien hemm ukoll DJ Neil Simpson li kien miet żgħir mil-leukemia.
 

X’tgħidilna dwar il-video wall?
Ir-Raffles kellu l-ewwel big screen (15 il-pied f’dinamitru) sinkronizzat mal-muzika. Kien ukoll power operated silver screen, dak iz-żmien (1983) kienet xi ħaġa kbira għall-Malta. Kien ikun hemm anke barranin li kienu jimpressjonaw ruħhom. Konna nuru hafna videos fosthom ta’ Pat Benatar, Dire Straits (Money for Nothing) u Duran Duran (Girls on Film u Wild Boys minn Arena) fost l-oħrajn. Il-videos ta’ Soft Cell kienu wkoll popolari ħafna.
 

Kienu jigu organiżżati nights speċjali?
Ir-Raffles kien famuż għan-nights kontraversjali bħal Miss Wet T-Shirt li kienu jiġbdu ħafna nies. Dejjem konna norganiżżaw u nivvintaw shows oriġinali. Darba minnhom konna għamilna mud wrestling show u ġibna erba tfajliet, MC, il-mud wrestling theatre jintefaħ u ovvjament it-tajn.
 

Biex tidhol kont thallas ?
Kellna l-membership u l-exclusive cards pero iva, dak iz-zmien il-parti l-kbira tan-nies kienu jħallsu biex jidħlu, tkun xi tkun l-okkażjoni. Għall-ġurnata normali d-dħul kien 50c, xi snin wara 75c u  eventwalment Lm1 kull persuna. Il-biljetti għal-Miss Wet T-Shirt kienu jkunu Lm 3.50. Il-biljetti għall-kunċert tal-Osibisa kienu Lm3. U kulħadd kien lest li jħallas għax naħseb li kienu jieħdu divertiment value for money. L-energy level kienet xi ħaġa unika, fil-peak time kont tbaxxi l-mużika tal-club u tisma n-nies kollha jkantaw mad-diski. Illum trid tkun xi ħaġa vera ta’ barra minn hawn biex toħloq l-istess atmosfera.
 

L-istorja tar-Raffles tkompli .....

>> L-ISTORJA TAR-RAFFLES (It-tielet parti)

X’tiftakar dwar ir-Raffles ? Tinsiex int tista tikteb fil-guestbook u tgħidlina dwar l-esperjenzi tieghek.

 

Suzanne Mizzi at Raffles - Gwida Magazine	Miss Wet Tee-Shirt Competition - Application
Samantha Fox at Raffles	Samantha Fox at Raffles
Artwork at Raffles (1987)	The New Raffles re-opening invitation December 1985
Champagne Party with Amanda Lear	Mirage (UK) live at Raffles - October 1987